Home / Info Garut / Pikeun baraya anu rek marudik make motor, 12 hal dihandap ieu kudu pisan diestukeun:

Pikeun baraya anu rek marudik make motor, 12 hal dihandap ieu kudu pisan diestukeun:

 

1. Kudu boga motor sorangan, sabab pan tukang ojeg oge marudik lebaran mah.

2. Pariksa rem dina kondisi hade. Ulah nepika di jalan ngerem make sapatu.

3. Lampu oge kudu harurung, sangkan engke teu kudu nyaangan jalan make senter ti hape.

4. Rante oge omat kudu dipariksa, bisi aya nu maok dipake tawuran ku barudak. Ma’lum kiwari teh keur usum tawuran.

5. Spion tah kade… Lumayan keur ngeunteung di jalan sangkan tetep PD.

6. SIM Kudu boga. Apal SIM? Surat Ijin Mengemudi. Kamari mah kajadian si HERU dipegat pulisi, ditanya SIM. Ujug- ujug ngabongkar hape bari nyarita “Bade SIM1 atanapi SIM2 Pak? Hape nu abdi mah Dual SIM.”

7. Surat-surat motor kudu dibawa. Ulah sok pinter ngarayu “Pak, surat motor teu kacandak, kumaha upami urang ngadamel surat nikah?”

8. Kudu make Helm SNI. Najan gawe diproyek, helm nu karoneng mah tong dipake ari di jalan mah.

9. Barang-barang nu gampil nu dibawa. Sabangsaning meja, kasur, asbak, lomari, raket reungit mah teu kudu eta mah…

10. Tong gancang teuing. 40-60km/jam ge geus cukup. Ulah kekebutan nepika 160km/jam, bisi nepi ka imah gancang teuing…. Coba mun nepi 3 poe memeh lebaran, pasti bakal dititah mantuan nyieun kueh tah.

11. Tapi tong santai teuing, 10km/jam… Bisi lebaran haji kakara nepi atuh.

12. Salila di jalan tong lebay, biasa we. Tong make lepas tangan sagala. Komo jeung ngangkat-ngangkat ban hareup mah, atawa nangtung dina jok motor bari puputeran jiga Satria Baja Hitam.

Mugia salamet di perjalanan. Salam baktos ka kulawargi. Wilujeng Boboran Syiam 1437 Hijriah… Tong hilap oleh-olehna… hatur nuhun..

About pksgarut

Check Also

whatsapp-image-2016-10-15-at-21-07-21

Hari ini Posko Hangat PKS

Hari ini Posko Hangat PKS menyapa pengungsi di Gedung bale pamington Crew poosko hangat pks …

Leave a Reply

Your email address will not be published. Required fields are marked *